ជើងខ្លាំងរបស់កម្ពុជាកីឡាករ មឿន សុខហ៊ុច ម្ចាស់ខ្សែក្រវាត់ប្រាក់ Max Muay Thai ព្រមទាំងកីឡាករ សរ រាជសីហ៍ សុទ្ធតែយកជ័យជម្នះលើដៃគូរបស់ខ្លួន នាជំនួបប្រដាល់មិត្តភាពកាលពីយប់ម្សិលមិញនេះនៅសង្វៀន CNC។
មឿន សុខហ៊ុច ឆ្វេង សរ រាជសីហ៍ ខាងស្តាំ
អ្នកប្រដាល់មាឌធំមកពីខេត្តបាត់ដំបង សរ រាជសីហ៍ បានយកឈ្នះដៃគូដែលជាជនជាតិអូស្ត្រាលី ថៃឡឺ ស៊ីតនឹងត្រាក់កាន ដែលមកហាត់នៅក្លឹបប្រដាល់ប្រទេសថៃ។ គូនេះមានការជក់ចិត្តពីទស្សនិកជនមែនទែនដោយកីឡាករអូស្ត្រាលីរូបនេះរងនិងរន្ទះកែងរបស់ រាជសីហ៍ ច្រើនកែងហើយមានរបួសហូរឈាមពេញមុខតែជើងខ្លាំងរូបនេះមិនបានបោះបង់ការប្រកួតចោលនោះទេតស៊ូរហូតចប់ទឹកទី៥។
សរ រាជសីហ៍ ក្រហម
ចំណែកជើងខ្លាំងម្នាក់ទៀតរបស់កម្ពុជាដែលនោះគឺ កីឡាករ មឿន សុខហ៊ុច ក៏បានយកជ័យជម្នះពីដៃគូដែលជាជនជាតិថៃដោយពិន្ទុផងដែរ។ កីឡាករដែលមានឈ្មោះបោះសំឡេងរបស់កម្ពុជារូបនេះមិនបានឈ្នះពិន្ទុដាច់ដូចគូមុននោះទេ។ ដោយសារសមត្ថភាពកីឡាករថៃ នីវវ៉ាំងច័ន្ទ ប៉ាកនផនសុរិន្ទ ខ្លាំងក្លាណាស់។ ពួកគេទាំងពីរប្រកួតសម្រុកគ្នារហូតដល់ ៥ទឹក ហើយពិន្ទុទៀតសោតចាញ់ឈ្នះគ្នាបន្តិចបន្តួចនោះទេ គូនេះក៏ជាគូសងសឹកផងដែរ។ កាលជួបគ្នាលើកទី១ នៅប្រទេសថៃ បានត្រឹមអាជ្ញាកណ្ដាលបញ្ឈប់ការប្រកួតដោយមិនឲ្យចាញ់ឈ្នះ ព្រោះពេលមានរបួសហូរឈាមខ្លាំងដូចគ្នា។
មឿន សុខហ៊ុច
ការប្រកួតប្រកួតរបស់ មឿន សុខហ៊ុច និង សរ រាជសីហ៍ នេះជាការប្រកួតមិត្តភាពអន្តរជាតិរបស់សង្វៀនទូរទស្សន៍ CNC ស្របពេលដែលសង្វៀនមួយនេះ មិនទាន់បានបង្កើតកម្មវិធីខ្សែក្រវាត់ឡើងវិញនោះទេ បន្ទាប់ពីកីឡាករ មឿន សុខហ៊ុច ឈ្នះរួចមក៕
hi
ReplyDelete