វិបសាយ SamMobile ទទួលបានរូបភាពមួយសន្លឹកពីអ្នកអានរបស់ខ្លួនឈ្មោះ Chris ដែលជារូបរាង Galaxy S8 បង្កើត (Render) ឡើងដោយផ្អែកតាមពាក្យចចាមអារ៉ាមចេញផ្សាយកន្លងមក។
តោះ! វិភាគពីរូបរាងរបស់ Galaxy S8 ដែល Render តាមពាក្យចចាមអារ៉ាមទាំងអស់គ្នា៖
@ ការរចនា ៖ ក្រឡេកមើលរូបរាងឃើញថា Samsung មិនបានចេញឆ្ងាយពី Galaxy S6 ឡើយដោយនៅបន្តប្រើប្រាស់ការរចនារាងទូរសព្ទបែបនេះដដែល។
@ គ្មានប៊ូតុង Home ៖ ពាក្យចចាមអារ៉ាមជាច្រើនចេញផ្សាយថា S8 គឺលែងមានប៊ូតុង Home ដែលអាចមើលឃើញទៀតហើយ ប៉ុន្តែនឹងបង្កប់លើផ្ទៃអេក្រង់វិញ។
@ អេក្រង់ស្ទើរតែគ្មានគែមសងខាង ៖ ទូរសព្ទដែលមានគែមសងខាងតិចតួចបានក្លាយជាទីចាប់អារម្មណ៍ថ្មីចំពោះអ្នកប្រើប្រាស់ ដូចនេះ Samsung ទំនងជាដើរតាមគន្លងនេះតាមរយៈការលុបប៊ូតុង Home ចេញ។
@ រាងអេក្រង់កាន់តែកោង ៖ អេក្រង់កោងធ្វើឲ្យ Samsung ទទួលបានជោគជ័យកាន់តែខ្លាំង ហើយចំពោះ S8 នេះគែមអេក្រង់សងខាងកាន់តែមានរាងកោងជាងមុន។
@ មិនឃើញមានទ្រនាប់ស្កេនក្រយៅដៃ ៖ តាមពាក្យចចាមអារ៉ាមមួយចំនួនឲ្យដឹងថា Samsung នឹងបង្កប់ទ្រនាប់ស្កេនក្រយៅដៃទៅលើផ្ទាំងអេក្រង់ខាងមុខ។
យ៉ាងណាៗក៏សុំបញ្ជាក់ដែរថារូបភាពខាងលើគ្រាន់តែជាការ Render ចេញពីពាក្យចចាមអារ៉ាមប៉ុណ្ណោះ ហេតុនេះវាអាចមានភាពខុសគ្នាពីរូបរាងពិតដែលនឹងបង្ហាញផ្លូវការនៅអំឡុងខែកុម្ភៈ ឬ មីនាខាងមុខ៕
0 comments:
Post a Comment